गडकरींचा ‘कोळसे'वाला

झारखंडमध्ये १ हजार कोटींचा कोळसा खाणारे अजय संचेती आणि नितीन गडकरी.
एका कार्यक्रमात संचेती यांचा गडकरींच्या हस्ते सत्कार करण्यात
आला होता, तेव्हाचे हे छायाचित्र आहे. नवभारत टाईम्सने ते नुकतेच प्रसिद्ध केले आहे.

आरएसएसच्या शाखेत नितीन गडकरी

राष्ट्रीय स्वयंसेवक संघ अर्थात आरएसएसने आपले मोहरे म्हणून ज्यांना ज्यांना राजकारणात पुढे केले आहे, त्या सगळ्यांचा संबंध एनकेन प्रकारे भ्रष्टाचार आणि भ्रष्टाचाराशी कसा काय येतो? आरएसएसचा आशीर्वाद असल्याशिवाय भाजपात कोणीही सत्तेच्या पदापर्यंत पोहोचू शकत नाही. आरएसएसची मर्जी ज्याच्यावर खप्पा होते, त्याचा लालकृष्ण अडवाणी होतो. भाजपाशासित राज्यांतील बहुतांश मुख्यमंत्री आरएसएसचा आशीर्वाद घेऊनच पदावर चढले आहेत. आरएसएसचे सत्तेतील मोहरे म्हणून हे लोक वावरतात. आरएसएसचे सत्तेतील हे मोहरे भ्रष्टाचाराच्या आरोपांनी सतत का घेरलेले असतात, हा या देशातील सर्वसामान्य जनतेला पडलेला प्रश्न आहे. भ्रष्टाचाराच्या मार्गांनी पैसा उभा करू शकणाèयांना किन्वा किमान भ्रष्टाचाèयांना अभय देऊ शकणाèयांना आपला मोहरा म्हणून राजकारणात पाठवायचे, असे काहीसे आरएसएसचे धोरण दिसते. 

नागपूरकरांच्या प्रश्नाला उत्तर द्या

आरएसएसचा आणखी एक मोठा मोहरा म्हणजे भाजपाध्यक्ष नितीन गडकरी.  परीट घडीचे पांढरे स्वच्छ कपडे घालून गडकरी मिस्टर क्लिन म्हणून राजकारणात मिरवत असतात. तथापि, त्यांच्या कपड्यांनाही झारखंडमधील कोळशाचा काळा रंग लागला आहे. गडकरी यांचे मित्र अजय संचेती यांनी झारखंडमध्ये १ हजार कोटींपेक्षाही जास्त रुपयांचा घोटाळा घडवून आणला आहे. कॅगच्या अहवालातच ही माहिती समोर आली आहे. आरएसएसचा आणखी एक मोहरा आणि झारखंडचे मुख्यमंत्री रमण qसग यांच्यावरही कॅगच्या रिपोर्टची गाज कोसळली आहे. रमनसिंग सरकारनेच झारखंडमधला कोळसा घोटाळ्याचे नेतृत्व केले, असा स्पष्ट ठपका कॅगने ठेवला आहे. सोमरवार दि. ९ एप्रिल २०१२ रोजी कॅगचा हा अहवाल सभागृहात ठेवण्यात आला. गडकरीच्या मित्राने १ हजार कोटींचा कोळसा खाल्ला. या कोळशाने गडकरींचेही हात काळे झाले आहेत का? महाराष्ट्रातील विशेषत: नागपूरच्या लोकांच्या मनातला हा प्रश्न आहे. गडकरी नागपूरचे आहेत. आरएसएसचे मुख्यालयही नागपुरातच आहे. दोघांपैकी कोणी तरी लोकांच्या मनातील संभ्रम दूर करायला हवा.

आरएसएसचे प्रमुख मोहन भागवत यांच्यासह नितीन गडकरी

येडुरप्पा आणि मोदी

कर्नाटकात बी. एस. येडुरप्पा हे संघाचा मोहरा म्हणून वावरतात. त्यांच्या एवढे भ्रष्टाचाराचे आरोप संपूर्ण भरतखंडात कोणावरही झालेले नाहीत. कर्नाटकातील लोखंडाच्या खाणीतून रेड्डी बंधूंनी अब्जावधी रुपये बेकायदेशीररित्या काढले. रेड्डी बंधूंना येडुरप्पा मुख्यमंत्री असतानाच मुक्तहस्त मिळाला. गुजरातचे मुख्यमंत्री नरेंद्र मोदी हे आरएसएसचा सर्वांत मोठा मोहरा आहेत. आरएसएसचे मुखपत्र पांचजन्यने त्यांना भाजपाचा पंतप्रधानपदाचा उमेदवार म्हणून घोषित करून टाकले आहे. मोदी सरकारवर कॅगने गंभीर स्वरूपाचे ताशेरे आपल्या ताज्या अहवालात ओढले आहेत. गुजरातमधील ३ हजार पेक्षा जास्त मुस्लिमांच्या कत्तीचे पाप मोदी सरकारच्या माथ्यावर आहे ते वेगळेच. ‘राजधर्माचे पालन कराङ्क असा इशारा तत्कालीन पंतप्रधान अटलबिहारी वाजपेयी यांनी मोदींना दिला होता. याचा विसर पांचजन्यला पडला आहे. 

मीडिया संघाला धार्जिण

या प्रकरणी सर्वाधिक आश्चर्यकारक भूमिका देशातील मीडियाने घेतल्याचे दिसून आले. १ हजार कोटींचा कोळसा खाणारे अजय संचेती आणि त्यांचे घनिष्ठ मित्र नागपूरकर गडकरी यांच्याबाबत मीडिया चकार शब्द काढायला तयार नाही. भारतीय वृत्तपत्रे आणि न्यूज चॅनल चालविणारा वर्ग आरएसएससाठी काम करतो, हे सिद्ध करायला दुसरा पुरावा कोणता हवा. 

अजय संचेती यांनी १ हजार कोटींचा कोळसा खाल्ला, त्यासंबंधी दैनिक भास्करच्या वेबसाईटवरील बातमीची ही लिन्क - 

http://daily.bhaskar.com/article/NAT-TOP-coal-scam-cag-reports-involvement-of-gadkaris-close-aide-3091587.html

गडकरींना आरएसएसने का निवडले याचे विश्लेषण आऊटलूक साप्ताहिकाने केले आहे. त्याची लिन्क -

http://www.outlookindia.com/article.aspx?277753

अनिता पाटील