दिवेआगर येथील सोन्याचा गणपती चोरीला गेल्यावर शिवसेनेने जे ब्राह्मणी चाळे केले, ते पाहिल्यावर असे ठामपणे म्हणता येते की, इकडची दुनिया तिकडे झाली तरी आपण सुधारायचे नाही, असा ठाम निर्धार शिवसेनेने केला आहे. शिवसेना स्वत:ला हिन्दुत्वादी संघटना म्हणते. हिन्दुत्ववाद नावाची कोणतीही गोष्ट या भूतलावर अस्तित्वात नाही. हिन्दुत्वाच्या नावावर जे काही चालू असते तो केवळ ब्राह्मणवाद असतो, असा माझा ठाम सिद्धांत आहे. अनेक लेखांतून मी तो मांडला आहे. मी हिन्दुत्ववादाला ब्राह्मणवाद म्हणते तेव्हा लोक मला जातीयवादी म्हणतात. तथापि, माझे म्हणणे सिद्ध करणारे वर्तन शिवसेना, तसेच संघप्रणित संघटना वारंवार करीत असतात. स्वत:च हिन्दुत्वाचा बुरखा फाडून आपला केसाळ काळा ब्राह्मणवादी चेहरा दाखवित असतात. दिवेआगर गणपती चोरी प्रकरणातही हेच घडले. शिवसेने आणि भाजपाने आपला हिन्दुत्वाचा बुरखा बाजूला सारून ब्राह्मणवादाचा केसाळ, काळा चेहरा जगाला दाखविला.
सेना आमदारांच्या डोक्यावर ब्राह्मणी टोप्या
दिवेआगर गणपती मूर्तीची चोरी झाल्यानंतर शिवसेना-भाजपाने विधानसभेत थयथयाट केला. युतीचे आमदार ब्राह्मणी टोप्या घालून सभागृहात गेले. या टोप्या घालून सेनेचे आमदार विधानभवन परिसरात मिरवत असल्याचे दृश्य वृत्तवाहिन्यांवरून संपूर्ण महाराष्ट्राने पाहिले. तसेच दुस-या दिवशीच्या वृत्तपत्रांनीही ब्राह्मणी टोप्या घातलेल्या आमदारांची छायाचित्रे छापली. गोल टोप्यांनी शिवसेनेचा काळा-केसाळ ब्राह्मणी चेहरा जगाला दाखविला. शिवसेनेच्या आमदारांच्या डोक्यावरील एकजात ब्राह्मणी टोप्यांनी शिवसेनेचे मुळचे खलनायकी रूप आणखी लखलखून उठले होते. बहुजन समाजाला या ना त्या कारणाने लुटणारे पुजारी, पुरोहितादि ब्राह्मण या गोल टोप्या घालून वावरत असतात. ब्राह्मणवाद्यांचे गोलमाल झाकले जावे, यासाठी या टोप्यांचा आकार बहुधा गोल ठेवलेला असावा.
आम्ही ब्राह्मणवाद्यांच्या हिताचे काम करतो!
याच गोलमाल टोप्या शिवसेना आमदारांना का घालाव्याशा वाटल्या? शिवसेनेचा नेहमीचा भगवा फेटा त्यांनी का घातला नाही? आम्ही ब्राह्मणांच्या हितासाठी काम करतो, असा संदेश शिवसेना नेत्यांना महाराष्ट्रात पाठवायचा होता, म्हणून भगवे फेटे न घालता ते शोषणाचे प्रतिक असलेल्या बदनाम ब्राह्मणी टोप्या घालून सभागृहात आले. या आमदारांनी सभागृहातच महाआरती केली. महाआरतीच्या नावाखाली शिवसेनेने सभागृहात तमाशाच उभा केला. त्यामुळे १४ सेना-भाजपा आमदारांना वर्षभरासाठी निलंबित करण्यात आले. माझे तर मत असे आहे की, सेनेच्या सर्वच आमदारांना निलंबित केले असते, तरी सेनेच्या पापाचे क्षाळण झाले नसते.
अरेरे, क्षुद्र राजकीय लाभासाठी देव्हा-यातले देव रस्त्यावर उतरवले
शिवसेनेचे ब्राह्मणाळलेले हे आमदार नुसत्याच ब्राहणी टोप्या घालून आले नव्हते. त्यांनी सोबत एक गणतीची मूर्तीही आणली होती. गणतीला देव मानता ना? मग त्याच्या मूर्तीची जागा देव्हाèयात असायला हवी. क्षुद्र राजकीय लाभासाठी शिवसेने आपले देव्हा-यातले देव रस्त्यावर उतरविले. याला काय म्हणावे? देव्हा-यातील देवाचा वापर आपल्या क्षुद्र राजकीय लाभासाठी करणे पाप आहे, हे शिवसेनेचे कार्यप्रमुख उद्धव ठाकरे आणि शरपंजरी शिवसेना प्रमुख बाळ ठाकरे यांना कोणी तरी सूज्ञाने सांगायला हवे. अर्थात शिवसेनेत असा सूज्ञ तूर्त तरी कोणी दिसत नाही. त्यामुळे त्यांचे हे क्षुद्र ब्राह्मणी ब्राहणी चाळे चालूच राहतील, यात शंकाच नाही.
अनिता पाटील, पुणे.
.................................................................................................................
शिवसेनेचा ब्राह्मणवादी चेहरा दाखविणारे हे पाहा आणखी काही फोटो
No comments:
Post a Comment